കൊറോണ മരണസംഖ്യ, രോഗബാധിതരുടെ എണ്ണം; ഏറ്റവും പുതിയ വിവരങ്ങൾ ഒറ്റനോട്ടത്തിൽ

ചൈനയിൽ കണ്ടുതുടങ്ങിയ നോവൽ കൊറോണ വൈറസ് ഇപ്പോൾ മറ്റ് രാജ്യങ്ങളിലേക്ക് അതിവേഗം വ്യാപിക്കുകയാണ്. ലോകമെങ്ങും കൊറോണ ഭീതിയിലായി. ഇവിടെയിതാ, കൊറോണ വൈറസ് സംബന്ധിച്ച ഏറ്റവും പുതിയ വിവരങ്ങൾ എന്തൊക്കെയാണെന്ന് നോക്കാം...

കൊറോണ വൈറസ് ലോകമെമ്പാടും വ്യാപിച്ചു, ഇപ്പോൾ ചൈനയ്ക്ക് പുറത്ത് കൂടുതൽ പുതിയ കേസുകൾ സ്ഥിരീകരിച്ചു. ആഗോളതലത്തിൽ ഏകദേശം 91,000 കേസുകളുണ്ട്, അതിൽ 80,000 കേസുകൾ ചൈനയിലാണ്. ചൈനയിൽ മരിച്ചവരുടെ എണ്ണം 2,943 ആണ്, മറ്റിടങ്ങളിൽ 125 ലധികം മരണങ്ങൾ റിപ്പോർട്ട് ചെയ്തു.

- ഫ്രാൻസിലെ കൊറോണ വൈറസ് അണുബാധ മൂലം നാലാമത്തെയാൾ മരിച്ചു, ആരോഗ്യ പ്രതിസന്ധി മാസങ്ങൾ നീണ്ടുനിൽക്കുമെന്ന് പ്രസിഡന്റ് ഇമ്മാനുവൽ മാക്രോൺ മുന്നറിയിപ്പ് നൽകി.

അതിവേഗം പടരുന്ന നോവൽ കൊറോണ വൈറസിന് ദക്ഷിണ അമേരിക്കൻ രാജ്യങ്ങളിലെ ആദ്യ കേസ് അർജന്റീനയിൽ സ്ഥിരീകരിച്ചു. ആരോഗ്യമന്ത്രി ഗൈൻസ് ഗോൺസാലസ് ഇക്കാര്യം അറിയിച്ചത്.

- മൊറോക്കോ, അൻഡോറ, അർമേനിയ, ചെക്ക് റിപ്പബ്ലിക്, ഐസ്‌ലാന്റ്, ഇന്തോനേഷ്യ, ഉക്രെയ്ൻ, പോളണ്ട് എന്നീ രാജ്യങ്ങളിലും ആദ്യ കൊറോണ കേസുകൾ സ്ഥിരീകരിച്ചു.

- കൊറോണ വൈറസിനെ പ്രതിരോധിക്കാൻ സാധ്യമായതെല്ലാം ചെയ്യുമെന്ന് ദക്ഷിണ കൊറിയൻ പ്രസിഡന്‍റ് പ്രഖ്യാപിച്ചു. കൂടുതൽ ആശുപത്രി കിടക്കകളും കൂടുതൽ ഫെയ്സ് മാസ്കുകളും ലഭ്യമാക്കാൻ ഉത്തരവിട്ടു. കൊറിയയിലെ ആകെ അണുബാധിരുടെ 5,186 ആയി ഉയർന്നു, മൊത്തം മരണം 34 ആയി.

- വൈറസ് ഉണ്ടെന്ന് സംശയിക്കുന്ന ആളുകളുടെ ചലനം നിയന്ത്രിക്കാൻ ഓസ്ട്രേലിയ ബയോസെക്യൂരിറ്റി നിയമം ഉപയോഗിക്കുന്നു. രാജ്യത്ത് സ്ഥിരീകരിച്ച കേസുകൾ 38 ആയി വർദ്ധിച്ചതായി അറ്റോർണി ജനറൽ ചൊവ്വാഴ്ച വ്യക്തമാക്കി.

- സിയാറ്റിൽ പ്രദേശത്തെ ആറ് പേർ വൈറസ് മൂലമുണ്ടായ അസുഖത്തെത്തുടർന്ന് മരിച്ചു, പുതിയ നിയന്ത്രണ നടപടികൾ ആസൂത്രണം ചെയ്യാൻ ആരോഗ്യ ഉദ്യോഗസ്ഥർ യോഗം ചേർന്നു.

- ന്യൂയോർക്കിലെ ഒരാളിൽകൂടി കൊറോണ സ്ഥിരീകരിച്ചു. ഇതോടെ സംസ്ഥാനത്ത് സ്ഥിരീകരിച്ച കേസുകളുടെ എണ്ണം രണ്ടായി. അമേരിക്കയിൽ അണുബാധകളുടെ എണ്ണം 100 ന് മുകളിലാണ്.

- പാകിസ്താനിലും പുതിയ കൊറോണ വൈറസ് കേസ് റിപ്പോർട്ട് ചെയ്തു. അവിടെ ഇതുവരെ അഞ്ചുപേർക്ക് രോഗം സ്ഥിരീകരിച്ചു.